內地「限娘令」︱呂良偉撐「打擊娘炮」斥花美男歪風 「唔好畀人覺得男不男、女不女」

現年64歲嘅呂良偉因疫情關係而留喺內地一年多時間，近日終於返港，即刻約一班老友相聚。日前呂良偉現身粵劇《呂布情傾貂蟬》發布會，表示本身已經返回內地隔離，但為撐好友不惜改期。今次返港，呂良偉表示見得最多嘅係好友關芝琳，又大讚老友狀態非常好：「噚晚先見完佢，多數喺朋友屋企聚會，不過我今次見到佢都讚 ，因為狀態大勇，比之前靚咗 、又飽滿 、人都開心咗 ，呢個好緊要。」

同場加映： 張潔蓮嫁了對的人卻常被冠錯夫姓 與袁文傑婚後關係仍如老友

{{hket:ul-video id="4267"}}{{/hket:ul-video}}

{{hket:inline-image name="8b200eb9-1f6f-4b4a-87ca-1a9b3257511a.JPG"}}{{/hket:inline-image}}

呂良偉人在香港都心繫內地，聚會時大多玩抖音或小紅書，反而唔會打麻雀，原因係覺得浪費時間。提到內地近期禁止「娘炮」小鮮肉，「花美男」可能從此絕跡內地娛樂圈，一向Man爆嘅呂良偉表示十分贊成：「官媒話要打擊『娘炮』我覺得係有咁嘅必要，作為公眾人物，你要有正面形象，唔好畀人覺得男不男、女不女，去引領下一代嘅審美眼光，咁會帶起歪風，所以正視呢個問題係好。」

呂良偉喺國內逗留期間先後拍咗6、7部電影，今次返港是因為太太掛念香港嘅家人同愛犬。呂良偉留港一個月冇事做，不日又要起程回國內，太太則留港唔肯再跟佢返內地，而囝囝就要赴英國讀書。呂良偉又稱自己推咗兩部電影，因為希望聖誕佳節可以陪伴老婆，並計劃相約甄子丹於香港或者三亞齊齊過聖誕。喺香港休息咗一個月，呂良偉話已經好足夠，自己仍有好大心癮想工作，想趁仲後生努力拍戲。呂良偉亦談到參演的電影《怒火》內地票房已達13多億，他覺得有機會達14億，老闆楊生很開心，期待與子丹同霆鋒再聚慶祝一下。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】